Iruñeko estres kulturala eta horri aurre egiteko hainbat erremedio

Maiz entzuten den esaldia da: «Iruñea txiki geratzen zait», eta gu ez gaude ados. Batez ere, Iruindar Berriak saioko kultur enbaxadoreen bisita jaso eta gero. Maite Sabalza eta Itziar Garcia pasa dira gure etxe estudiotik, eta, soilik, maitzean izan diren ekitaldien errepasoa eginda estresak jota bukatu dugu. Besteak beste, Alicia Valdés, Simone Weill eta Remedios Zafra idazle eta pentsalariak aurkeztu dizkigute.

Estres kulturalari aurre egiteko metodoetako bat izan daiteke dantza egitea. Baieztapen horrekin bat datoz Pamplona swing taldeko Leire Sagasetak eta Amaia Irazustak. Dela 100 urte AEBetan sortu zen dantza estilo bizi honek jatorri afro-amerikarra du Europara iritsi zen Bigarren Mundu Gerraren bueltan. Inprobisazioan oinarritzen den dantza honen sekretuak konpartitu dituzte gurekin bi dantzariak, eta gonbidapena jaso dugu uda garaian egiten diren 'Klandestinoetan' parte hartzeko.