Ingurutxoa, belaunaldi zaharretatik gazteenetara

 Urteak daramatzate Bedaion Ingurutxoa dantzatzen. «Juan Antonio Sarasola herriko txistulariak sortutako pieza da Ingurutxoa», azaldu digute. «Zenbait urtez itzalpean egon zen eta duela 23 urte berreskuratu genuen». Ordutik urtero dantzatzen dute bedaiotarrek Ingurutxoa. Bikoteka dantzatzen da, hamabi bat bikote aritu dira dantzan, guztira 24 bat lagun, beraz. Aurten gainera, hiru belaunaldi ezberdin bildu ditu Ingurutxoak; izan ere, igandean dantzan aritu ziren lagunetatik zaharrenak 60 urte ditu eta gazteenak 6 besterik ez.

Garbi dago belaunaldi berriek ere ikasi badute, Bedaioko Ingurutxoak jarraipena izango duela. Tradizio bikaina benetan. Ea beste 23 urte egiten dituzten!