Dokumentuaren akzioak
Inauteri festa gaur hartzaren etorrerarekin
Herri Eskolako Kultur Astearekin bat egingo du Inauteri festak arratsaldeko 15:00etatik aurrera
Inauteri festa ospatzeko hartza kalez-kale ibiliko da gaur iluntzean Seguran. Jai egunari hasiera emanez, aurretik, arratsaldean, Herri Eskolako Kultur Astearekin bat egingo du inauteri festak eta, 15:00etan, emango diote hasiera mozorro jaiari ikasle eta irakasleek. Abesti eta dantza saioa izango dute eta txokolate janarekin emango diote amaiera eguraldi txarra bada frontoian egingo duten ekitaldiari.
Hartza, hartza-zain eta uxatzaileei 18:30ean egingo zaie ongi-etorria Errementarian eta ondoren kalejira egingo dute. Txistulari, trikitilari eta herritar mozorrotuen konpainiarekin iritsiko da hartza plazara, bertan dantza eta musika saio bat egingo delarik.
Mendi irteera
Mendi elkarteak eta herri eskolak antolatzen dituzten irteeren barnean, igandean txangoa egingo da Erroizpera (804 m). Ibilaldia egin eta Tolosan buelta txiki bat eman ondoren, eguerdirako itzuliko dira. Txango honetan parte hartzeko asmoa dutenentzat, goizeko 8:30ean jarri da irteera ordua .
Dokumentuaren akzioak
