Iñaki Gomezek Jose Antonio Arbelaitz ordezkatuko du

Jaurlaritzako Kultura Sortu eta Zabaltzeko zuzendari berria izango da

Gomez Irusoin ekoiztetxearen arduradunetako bat da 1985ean sortu zuenetik, eta orduz geroztik hainbat film eta telebistarako sail egin ditu produkzio zuzendari lanetan: Lazkao-Txiki, Txirrita eta Fernando Amezketarra, besteak beste, EITBrentzat eta Karramarro uhartea animaziozko filmarekin, berriz, Espainiako Goya zinema saria irabazi zuen 2000. urtean. Asier Altunak eta Telmo Esnalek zuzendu eta orain dela gutxi estreinatutako Aupa Etxebeste! filmaren ekoizleetako bat ere izan da Gomez. Bestalde, Ibaia Euskal Herriko Ikus-entzunezko Ekoizle Burujabeen elkarteko lehendakaria ere izan zen. Kultura Sortu eta Zabaltzeko zuzendaritzak musika, antzerki, dantza, ikus-entzunezko eta arte plastikoen alorretan egiten du lan.