'Imágenes' balletak amaiera emango dio Flamenko Jaialdiari

Bihar Campos Elíseos Antzokian izango den emanaldia ikusteko sarrerak 15 eta 20 euro artean daude salgai

'Imágenes' izeneko ikustaldiak Flamenko Jaialdiari amaiera emango dio. Andaluziako Ballet Flamenkoak Rafaela Carrascoren lana erakutsiko du Campos Elíseoseko eszenatokian. Konpainia hau arte jondoaren ordezkari instituzionalik gorena eta dantza mota honen enbaxadore izan da 1994an sortu zenetik. Biharko ekitaldia ikusteko sarrerak 15 eta 20 euro artean daude salgai.

Andaluziako Ballet Flamenko konpainian sortu dira gaur egungo izen handi batzuk, eta balletaren historian hainbat sari lortu dituzte, ikusleen, kritikarien eta adituen eskutik. Emanaldi hau, beste guztiak bezala, 20.00etan izango da.