Hemen zaude: Hasiera Hemeroteka Iker Larunbe eta Izar Etxeberria, garaile Aurresku eta Soinu Zahar txapelketan

Dokumentuaren akzioak

Iker Larunbe eta Izar Etxeberria, garaile Aurresku eta Soinu Zahar txapelketan

Biek iaz lortutako garaipena errepikatu dute Pasaian

Faborito ziren eta ez dute hutsik egin. Atarrabiako Iker Larunbe eta Oiartzungo Izar Etxeberria nagusitu dira Pasaian jokatu den XXXIV. Gipuzkoar Aurresku Txapelketa eta Euskadiko VIII. Soinu Zahar Txapelketan, iazko emaitza errepikatuz. Larunbek, gainera, bosgarren garaipena izango du aurtengoa eta horri esker Atarrabiara eraman ahal izango du, behin betirako, Tomas Murua trofeoa.
Egilea
DV
Komunikabidea
Diario Vasco
Tokia
Pasaia
Mota
Albistea
Data
2014/11/30
Lotura
Diario Vasco

11 mutil eta 13 neska lehiatu dira bi txapelketetan, azken urteekin alderatuta, parte-hartze nabarmen handiagoa izan da, beraz. Gainera, azken urteetako desorekaren ondoren, aurten neska eta mutil kopuru antzekoa izan da. Pasaiako Udalak, Gipuzkoako Euskal Dantzarien Biltzarrak eta Pasai Antxoko Alkarkide, Alkartasunako Dantzari Ohiak taldeak antolatu dute larunbateko hitzordu bikoitz hau. Bi lehiaketak Pasiako udal kiroldegian burutu dira.

Gipuzkoar Aurresku txapelketan, Larunberekin batera, Beñat Asensio (Lezo), Aitor Asenjo (Elgoibar), Asier Rios (Errenteria), Beñat Salegi (Errenteria), Luis Garcia (Errenteria), Jokin Veintemillas (Errenteria), Iker Sanz (Lezo), Aritz Olarte (Oiartzun), Xanti Leonet (Oiartzun) eta Ekain Susperregi (Oiartzun) izan dira Tomas Murua saria lortzen saiatu direnak.

Soinu Zahar txapelketan, berriz, Izar Etxeberria oiartzuarraz gain, Leire Amiano (Lezo), Mapi Egues (Ibarra), Andrea Arregi (Elgoibar), Nerea Azkue (Lezo), Alaitz Egaña (Elgoibar), Janire Fernandez (Lezo), Udane Eskudero (Oiartzun), Maider Lizeaga (Pasai Donibane), Maddi Otegi (Villabona), Izar Aizpuru (Oiartzun), Ane Urruzola (Villabona) eta Izaro Urrestarazu (Ibarra) aritu dira dantzan nor baino nor.

Izar Etxeberria eta Iker Larunbe, Pasaian. JOSE MARI LÓPEZ

Izar Etxeberria eta Iker Larunbe, Pasaian. JOSE MARI LÓPEZ

Dokumentuaren akzioak