Dokumentuaren akzioak
Ihitz Iriart: "Argi genuen bai ala bai kalean eginen zela Iruinkokoa"
Otsailaren 27an iritsiko da kokoa, Iruñera. Hilaren azken igandearekin ospatuko da Iruñeko inauteri euskalduna. "Urteari desinfekzioa eginen diogu", aurreratu du Euskalerria Irratian Ihitz Iriart kideak.
Karrikak hartuko ditu 2022an ere Iruinkokoak, Iruñeko inauteri euskaldunak. Hilabeteak dira prestaketa lanak abiatu zituztela, otsailaren 27rako prest edukitzeko dena.
Goizean, 9:30ean, karrika ingurua hasiko da, Zaldiko Maldiko elkartetik. Asalduak Laba gunean, Iruñea taldearen egoitzan, Iparlan eta Matalazen izanen dira.
Eguerdian, 12:30ean eginen dute emanaldi nagusia, Santa Ana plazan. Giro polita izanen dela ziurtatu du Euskalerria Irratian Ihitz Iriart kideak.
Dokumentuaren akzioak
