Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Ihauteriak abian dira Senperen ere kartierka etxez etxe egiten dituzten ateraldiekin

Dokumentuaren akzioak

Ihauteriak abian dira Senperen ere kartierka etxez etxe egiten dituzten ateraldiekin

Egilea
JL BESSONART
Komunikabidea
Erran
Tokia
Senpere
Mota
Albistea
Data
2023/02/02
Lotura
Erran
Gazteak etxez etxe ibiltzen hasiak dira larunbatero, kuartierka egiten dituzten ihauterietako ateraldietan.

Amotze, Ibarrun, Karrika eta Olha auzoetan ibili ondotik, Ergaraien ibiliko dira gazteak otsailaren 4an, Urgurin hilaren 11n eta 18an plazan izanen dute amaiera

Emeki emeki, negu beltz honetatik ateratzeko ospakizunak abian dira, ihauteriekin. Senpereko Zakuzaharrak elkarteak (lesakarrei harturiko izena) bere usaiako ateraldiak hasiak ditu, kantu, dantza, eta alaitasuna eskainiz herriko auzoetan, larunbatero.

Herritarrek, berriz, ez ahantzi harrera ezin hobea egitea, arrautze eta xingarra eskasean, edozoin janari eta edari ongi etorriak dira, denek partekatzeko gisan.

Etxez etxe eta kartierka Amotze eta Ibarrunen ibili ziren ilbeltzaren 21ean, Karrika Nagusian eta Olhan ilbeltzaren 28an; larunbat honetan, otsailak 4, Ergaraien ibiliko dira eta otsailaren 11n Urgurin izanen dira. 

Otsailaren 18an ihauterien amaiera

Otsailaren 18an, Ihauterien amaiera izanen dute Senpereko plazan, SanPantzar-en epaiketa, omeleta lehiaketa, bazkaria eta hainbat kontzerturekin. Honela, 12:15ean aperitifa izanen da Xupz taldearekin. 13:30ean bazkaria Guk taldearekin. Bazkalondoan ere musika izanen da Andoni Oilokiegi abeslariarekin (18:00) eta Rakatapunk (20:00), McOnak (22:30) eta gauerditik aitzinera Doli Soinu Sistem taldeekin.

Dokumentuaren akzioak