Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Igor Calonge: “Pieza oraindik amaitu gabe dago, gauzak aldatuz doaz eta horixe da politena”

Dokumentuaren akzioak

Igor Calonge: “Pieza oraindik amaitu gabe dago, gauzak aldatuz doaz eta horixe da politena”

Igor Calonge koreografoak Muxua izeneko pieza prestatu du eta asteazkenean, abenduaren 18an, aurkeztuko dute, Viktoria Eugenia antzokian.

Dantza Klub programaren barruan, Dantzaz konpainiak Igor Calonge koreografoak egindako sormen prozesua prestatu du eta gaurkoan komunikabideek piezaren zati bat ikusteko aukera izan dute, Artelekun. Atalak XVIII proiektuaren helburua Euskal Herriko koreografoekin lan egitea da eta denboraldiaren bigarren kolaborazioa Calongen Muxua izan da.
Egilea
Lide Ferreira
Komunikabidea
Donostiako Hitza
Mota
Albistea
Data
2013/12/16
Lotura
Donostiako Hitza

Asteartetik daramte pieza prestatzen eta egunean lau orduko lana egiten dute. Igor Calongek esan duenez, politena sormenaren prozesua bera da. “Pieza oraindik amaitu gabe dago, gauzak aldatuz doaz eta horixe da politena”. Azken batean, dantzariek egiten eta proposatzen dutena behatu egiten du eta horrek guztiak koreografia baldintzatu dezake.

Igor Calongek azaldu duenez, Muxuak bi ezaugarri ditu. Alde batetik, biolentzia eta maitasuna nahasten ditu, “bizitzan momentu ederrak egoteko momentu gogorrak ezinbestekoak direlako”. Eta, bestetik, muxu bat emateak dakarren gorputz mugimendua islatzen du, fisikoki egoera hori aurkeztuz. Honekin lotuta, koreografoak bere piezak narratzea baino, iradokitzeko aukera ematen dutela adierazi du: “Ez dut gustuko arrazoi bat, historia bat ematea; nire ustez, dantzatzen duten pertsonek ez dute hori behar”.

Pieza asteazkenean, abenduaren 18an, izango da, 21:00etan Viktoria Eugeniako Klub Aretoan. Horretaz gain, Dantzaz konpainiako dantzariek Asteazkeneko saioa osatzeko, Dantzaz konpainiako dantzarien piezak ere ikusgai egongo dira.

Dantzaz Konpainiako dantzariak Igor Calongek egindako sormen prozesua erakutsi dute. (Argazkia: Lide Ferreira)

Dantzaz Konpainiako dantzariek Igor Calongek egindako sormen prozesua erakutsi dute. (Argazkia: Lide Ferreira)

Dokumentuaren akzioak