Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Igartzako dantzarien ezpata-dantza, bizi bizirik

Dokumentuaren akzioak

Igartzako dantzarien ezpata-dantza, bizi bizirik

Larunbatean ospatu zuten Igartzako Ezpata-Dantzarien Kofradiaren egun handia Beasainen

Duela hamar urte, Beasaingo Aurtzaka dantza taldearen ekimenez, Igartzako Ezpata-Dantzarien Kofradia sortu zen. Gaur egun, 300 kofradez osatutako erakunde honen zereginik nagusiena, gutxi-enez, orain bi mende Beasainen eta inguruko herrietan oso ohikoak ziren Ezpata-dantzaren segizio eta dantza-sortak berreskuratu eta indarrean jartzea da, urteak pasata ere gal ez daitezen. Horretarako, urtero ospatzen dute haien egun handia Igartza auzoko jaietako larunbatarekin bat eginez.
Egilea
M.A.
Komunikabidea
Noticias de Gipuzkoa
Tokia
Beasain
Mota
Albistea
Data
2017/09/12
Lotura
Noticias de Gipuzkoa

Larunbat eguerdian, 12.00etan, hasi zuten egun handia dantzariek. Lehenengo, Udaletxean bandera jarri zuten eta jarraian, herriko kaleetatik barrena Igartzako multzo historikora arte segizioan joan ziren. Buruzagiak, zaldikoa, banderariak, dantzari azkendariak, txanbolinteroak zein musikariak parte hartu zuten dantzaren jaialdi honetan, eta erraldoiak izan ziren desfilea ixten joan zirenak.

Euriak ere izan zuen bere protagonismoa. Izan ere, dantzari guztiak Igartza jauregira iristearekin batera euri zaparrada handia bota zuen. Hala ere, ez zen nahikoa izan parte hartzaileak gelditzeko eta euria goian-behean egin zuen arren, irribarreak nagusi izan ziren dantzarien artean. Zaparradaren ostean, gainera, zerua argitu egin zen.

Aurtengo kasuan, gainera, gonbidatu berezia izan du beasaingo Igar-tza Ezpata-Dantzariaren Kofradiak. Hain zuzen ere, Kataluniako Rubi herriko Esbart Dansaire taldea erraldoaik itxi zuen segizioa. 40 dantzari eta musikarik osatzen duten taldea da, 1923an sortua eta Kataluniako zaharrenetakoa eta ezagunenetakoa. Hainbat sari ere jaso ditu talde honek haien dantzen kalitatea, ikusgarritasuna eta alaitasuna delako. Hala, larunbatean aukera paregabea izan zuten inguratu ziren guztiek aspaldiko dantzez gozatzeko eta Igartza ingurua dan-tzariz josita ikusteko. 

Hainbat korrikalari, tartean Elena Calvillo beasaindarra, Hirumuga menditik barrena.

Hainbat korrikalari, tartean Elena Calvillo beasaindarra, Hirumuga menditik barrena.

Dokumentuaren akzioak