'Igartubeiti dantzan' erakusketa ezagutzeko bista gidatua egingo dute

Ezkioko Igartubeiti Baserri Musoean ikusgai dagoen Igartubeiti dantzan erakusketa ezagutzeko bisita gidatua egingo dute larunbat honetan. Koldobika Jauregi filmaren arte zuzendariak eta Xabier Artola argazkilariak, beraien lanak azalduko dituzte, museoan kokatutako argazkien eta filmeko eskenatokien bidez.

Bisitaldia 12:00etan izango da, eta parte hartu nahi dutenek, aurrez eman behar dute izena, Igartubeiti museoaren webgunean, e-mailez, igartubeiti@gipuzkoa.eus helbidera mezu bat bidalita edo telefonoz, 943 72 29 78 zenbakira deituta.

Filmaren emanaldia

Larunbateko bisita ez da izango Igartubeiti dantzan erakusketaren inguruan antolatu duten saio bakarra. Izan ere, hilaren 28an, 17:30ean, Telmo Esnal zuzendariaren Dantza filma eskainiko dute. Tokiak mugatuak dira, eta izena aurrez eman behar da, lehen aipatutako bideetatik.