Dokumentuaren akzioak
Igantziko dantza taldeak XX. urteurrena ospatzeko saio berezia eskainiko du larunbatean
Dantzariak abesbatzarekin batera arituko dira 20:00etatik aitzinera elizan paratuko duten eszenatokian
Igantziko dantza taldeak hogei urte bete ditu aurten, eta urteurren ekitaldiak behar den bezala amaitzeko, emanaldi berezia prestatu dute. Abenduaren 22an, larunbatean, dantzariak eta Abesbatzako kideak, bertze musikari eta laguntzaileekin batera arituko dira oholtza gainean. Arratsaldeko 20:00etan hasiko da emanaldia elizan, egun honetarako espreski paratuko den eszenatokian.
Bertzalde, Dantza taldeko kideek herriko produktuekin osatutako saski baten zozketa ere eginen dute. Egunotan ari dira txartelak saltzen eta irabazlearen izena emanaldia amaitutakoan jakinen da. Igantziko dantza taldean 3-4 urterekin hasi eta helduak bitarte, 70 bat lagun biltzen dira. Ttikienek astero entsaiatzen dute eta helduak, gehienbat San Migeletako dantzak prestatzeko elkartzen dira.
Hogei urte bete ditu aurten Igantziko Dantza taldeak, adin guztietako 70 bat dantzarik osatzen dute taldea.
Dokumentuaren akzioak
