Igandera arte luzatuko da Biarritzen ospatzen ari den Maitaldia dantza jaialdia

Egitarauari begira, hauxek dira Maitaldia festibalaren baitan antolaturiko azken ekimenak. Larunbatean, 11.00etan, Florence Poudruk hitzaldi bat eskainiko du Mediatekan. 12.00etan, �Scenes Lyceennes� emanaldia izanen da lorategietan. 18.00etan Coliseoan, Catherine Dreyfusen �Et si j'�tais moi!� izango da ikusgai. 20.00etan, Casinoko atrioan, Izaskun Lapaza izango da Dantza Hirian ekimenaren baitan.

�Hasieran jendeari Maitaldiari buruz hitz egiten genienean Biarritzen jaialdik bat ote zegoen galdetzen zigun, aldiz orain jendeari festibal honetara gatozela esaten diogunean ze zortea dugun adierazten digu� azaltzen du Estatu frantziarreko dantza postu garrantzitsuena eskuratu duen Didier Deschampsek. Chaillot Antzoki Nazionaleko zuzendaria izendatua izan da

Jaialdiaren eta zentro koreografikoaren sorkuntzaren atzean izan zen Jakes Abeberryk, Biarritz Kulturako presidente eta hiriko zinegotziak, horrela kontatzen du festibaleko sorrera: �Funtsezko ideia 20 urtez Biarritzeko bizitza kulturalean izan zen zulo beltza betetzearekin etorri zen. Nire nerabearoko nostalgia sortu zitzaidan, non udazkenean bi hilabetez Cuevas markesak dantzaren presentzia ezartzen zuen gure karriketan�.

20 urteren ibilbidea gogora ekartzen duen programazioa
Aurtengo programazioa urteurrenaren ospakizunari lotua izan da. Deschampsen konpainiak ideki du jaialdia eta, atzo, ostiralean, Maitaldiaren lehen edizioan egon zen Victor Ullateren Balletak nazioarteko konpainia handien ordezkaria bisitatu du oholtza.