Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Igande arratseko zakozarren kalejira izanen da Lesakako inauterien erakargarririk handiena

Dokumentuaren akzioak

Igande arratseko zakozarren kalejira izanen da Lesakako inauterien erakargarririk handiena

Goitarrak eta Fraindarrak baserriz baserri ibiliko dira eta astelehenean karrozen desfilea eginen dute

Igande arratsaldean ateratzen diren zakozarrengatik dira ezagun Lesakako inauteriak, baina bertze hainbat ekitaldi izanen dituzten aurten, Ortzegun Gizeneko arraultze-arraultze eskearekin hasita. Arratsaldean, Guraso Elkartearen eskutik merienda izanen dute Tantirumairu ikastolan.
Egilea
Ttipi-ttapa
Komunikabidea
Erran
Mota
Albistea
Data
2019/02/26
Lotura
Erran

Igandea izaten da egun handia Lesakan, baina larunbatean ere hasten dira lehen mozorroak ikusten.

Martzoaren 3an, igandean goiz-arratsaldez Goitarrak baserriz-baserri ibiliko dira.  16:00etan herriko gaztetxo eta gurasoak frontoi gibeleko aparkalekuan bilduko dira zakuak bete eta josteko. 17:00etan Zakozar ttikiak abiatuko dira karrikaz karrika ibilaldia egitera trikitixa taldearekin eta ondoren, 19:00etan Zakozar haundiak aterako dira Musika Bandaren laguntzarekin. 18:00etan dantzaldia izanen da plazan, Trikidantz taldearekin. 

Igande arratseko zakozarren kalejira izanen da Lesakako inauterien erakargarririk handiena
Zakozarrak igande arratsean aterako dira aurten ere Lesakan.

Martxoaren 4an, astelehenean goiz-arratsaldez Fraindarrak eta Goitarrak baserriz-baserri ibiliko dira. Eguerdian orgak ibiliko dira plaza inguruan eta arratsaldean dantzaldia izanen da plazan Orots taldearekin.

Honenbertzez bukatuko dira inauteriak lesakar gehienentzat, baina oraindik Fraindarrak goiz-arratsaldez baserriz baserri ibiliko dira.

Dokumentuaren akzioak