Ibarrako Alurr dantza taldeko kideak Italian dira elkar trukea egiteko asmoz

Euskal folklorearen berri emango diete castiglione del lago herritarrei

Bertan, Agilla e Trasimeno dan-tza taldeko kideekin egingo dute elkartrukea eta jarduera ezberdinez osatutako sei egunetako egonaldia egingo dute. Ibarrako taldeak euskal folklorearen erakustaldia egiteaz gain, Italiako taldeko gazteei zuzendutako euskal kulturaren inguruko hainbat tailer prestatu dituzte: euskal musika tresnen ingurukoa, jantziei buruzkoa eta arin-arin eta fandango tailerra.

Alurreko gazteek Perugiako kulturan murgiltzeko aukera izango dute. Castiglionen dauden bitartean, jarduerarako bereziki prestatu eta egokitu den herri eskolan hartuko du ostatu. Igandean Castiglione del Lagoko Udalak, alkatea buru, Alurr dantza taldeko kideei harrera ofiziala egingo die.