Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › I. Dantza topaketa Manuel Lekuonan, Kukukak antolatuta

Dokumentuaren akzioak

I. Dantza topaketa Manuel Lekuonan, Kukukak antolatuta

Emanaldi ederra eskaini zuten larunbat eguerdian Donostiako Udal Musika eta Dantza eskolak, Kukai gazte-formakuntza taldeak eta herriko Kukuka dantza eta antzerki eskolak. Dantza tradizionalak eta garaikideak uztartu zituzten, askotariko musika estiloak eta kolorez beteriko jantziak lagun.
Komunikabidea
Txintxarri
Mota
Albistea
Data
2013/04/27
Lotura
Txintxarri

Adin tarte guztiek egin zuten dantzan, gaztetxoetatik hasita helduetara arte eta dantzari amateur izanda ere lan zoragarriak egin daitezkeela erakutsi zuten denek. Talde guztiek euren emanaldiak amaitzean, Maider Oiartzabal Kukukako irakasleak eskerrak eman eta hurrengo urtean elkar ikusiko dutelakoan dantzaz gozatzeko aholkua luzatu zien herritarrei. Gainera, dantzari eta irakasle guztiek Kukukaren kamiseta bana jaso zuten opari. Bestalde, apirilaren 29an (Dantzaren Nazioarteko Egunarekin bat eginez), eskolako ikasle, irakasle eta parte-hartu nahi duten herritar guztiek Kukukaren abestia dantzatzeko aukera dute arratsaldeko 18:00ean. Astelehenean Kukukaren kamiseta eramatea gomendatu dute antolatzaileek.

Dokumentuaren akzioak