Dokumentuaren akzioak
Hondarribia Dantzan ospatuko da asteburuan
Jean Mixel Bedaxagarrek hitzaldia eskeiniko du gaur udaletxean
Kemen Dantza Taldeak antolatzen duen 'VII Hondarribia Dantzan' hemen da. Larrain dantza ikastaroa ospatu da astean zehar eta gaurtik aurrera datoz ekitaldi nagusiak.
Gaur hitzaldi bat izango da udaletxean, arratsaldeko zazpiak eta erdietatik aurrera. Bertan, Jean Mixel Bedaxagarrek maskaradei buruz hitzegingo du. Dantzari, xirulari, kantari eta musikagilea da Bedaxagar eta hainbat pastoraletan parte hartu du.
Bihar goizean 'Barrikadak' egingo dituzte, herriko zenbait gunetan, eta arratsaldean, lauak eta erdietatik aurrera, Gamere-Zihigako gazteek maskarada eskeiniko dute, Santa María Magdalenako plazan. Han bertan erromeria izango da zortziak eta erdietan.
Igandean, hainbat haurren bilkura burutuko da. lehenik kalez kale eta hamabietatik aurrera Santa María Magdalenako oholtzan.
Dokumentuaren akzioak
