Herri Musikaren Jardunaldiak, heldu den asteburuan

'Dantza plazan' aztergai izango da aurtengo edizioan

Hortaz, azaroaren 14an emango diote hasiera aurtengo lehen mintegiari, Ergoien auzoko Auzokalte aretoan. Goizeko 10:00etan 'Dan-tza plazan' gaiari eutsiko diote. Aurkezpen lanak egin ondoren, 10:15ean Sabin Egigurenek, Bizkai Euskal Folkor Elkarteko kideak, aztertuko du gaia. Gero, 11:00etan Patxi Perezek "dantza plazan" sorrera eta bilakaeraren bideetako bat aurkeztuko du. Eta goizari amaiera emateko, 12:15ean Antonia Oliver Martorell andereak 'Baile en la plaza' izeneko ponentziaren bitartez Mallorcako egoera azalduko du.

Arratsaldez, gehiago

Bazkariaren ondoren, 15:30ean Soinuenea bisitatzeko tartea izango da. Arratsaldeko 16:00etan hasiko da bigarren mintegia. Juan Antonio Urbeltz adituak hitz egingo du eta 16:45ean mahai ingurua hasiko da, bost partaideekin: Dantza Plazako ordezkaria, Joseba Altube (EDB), Iparraldeko DB, Jon Fernandez (Gasteizeko Academia de Folclore-Musika Etxea), Aiko taldea eta Antonia Oliver Martorell. Moderatzaile lanak Xabier Etxabek egingo ditu.

Eta larunbatari amaiera ezin hobea emateko, iluntzeko 19:30ean Oiartzungo udal areto nagusian Mallorcako dantzak eta musika «Es Revetlers» musika eta dantza taldearekin.

Igandekoak, Donostian

Igandeko ekitaldiak Donostian izango dira. Goizeko 10:00etan ekingo diote Donostiako Kresala elkartean egingo den dantza tailerrarekin. Mallorcako plaza dantzak ikasteko parada izango da Antonia Oliver eta «Es Revetlers» musika eta dantza taldearen eskutik. Gero, 12:00etan, Donostiako Easo plazan Patxi eta Konpainiarekin "Dantza plazan".

Eta 14. Jardunaldiei behar bezalako amaiera emateko, arratsaldeko 14:30ean bazkaria izango da Kresala elkartean.

Antolatzaileek adierazi dute larunbateko mintegian, igandeko tailerrean eta bi egunetako bazkari batera joan nahi duenak izena eman behar dela Soinuenean, bertara deituz edota idatziz.