Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Hernaniko Gazteen XX. Dantza Solte Txapelketa igande honetan

Dokumentuaren akzioak

Hernaniko Gazteen XX. Dantza Solte Txapelketa igande honetan

Kriskitiña Dantza Taldeak antolatuta, 15 bikote arituko dira lehian

Hernaniko Kriskitiña Dantza Taldeak Gazteen Dantza Solte Txapelketaren beste edizio bat, hogeigarrena jada, antolatu du igande honetarako. 15 bikotek hartuko dute parte eta eguraldiak ahalbidetzen badu Plaza Berrian arituko dira dantzan eguerdiko 12etatik aurrera; euria eginez gero, Biteri Kultur Etxean izango da. Txapelketan parte hartu ahal izateko gehienez ere 15 urte izan behar dira.
Komunikabidea
Diario Vasco
Tokia
Hernani
Mota
Albistea
Data
2014/12/05
Lotura
Diario Vasco

Bikoteek, neska eta mutila kasu guztietan, bi pieza dantzatu behar izango dituzte, fandangoa eta arin-arin: biak ere 6 pausuz osaturik. Epaimahaia Gipuzkoako Dantzarien Biltzarreko kideek osatuta egongo da.

Bikote irabazleak 150 euro, txapela, zapia eta garaikurrak eskuratuko ditu; bigarren, hirugarren, laugarren eta bosgarren sailkatuek 130, 120, 110 eta 100 euro eta garaikurrak, hurrenez hurren. Eta gainerako parte-hartzaileek 90 euroko dieta eta garaikurrak jasoko dituzte.

Txapelketako parte-hartzaileen zerrendari begiratuz gero, Azpeitia dantzarien harrobia dela argi geratzen da. Izan ere, igandean taula gainean arituko diren 15 bikoteetatik zazpi azpeitiarrak dira, baita beste bi dantzari ere. Bi hauek Azkoitiko beste dantzari batekin osatzen dute bikotea. Gainerako parte-hartzaileei dagokienez, hiru bikote Errezilgoak dira; bi Lezokoak eta hamabosgarrena bergararra. 

Dokumentuaren akzioak