HERENEGUN #35 - Ihauteriak

Aspaldidanik negu betean eta udaberriaren esperantzan ospatzen dira ihauteriak. Kanaldudeko artxiboen artean, 1992 eta 1995 urteen artean antolatu ziren ihauteri ezberdinen giroan sartzen gaitu Herenegun taldeak. Donibane-Garazin, ihauteriak berpiztu zituzten Irulegiko Irratiak, Oihartzunak, lekuko eskolek eta ikastolak. Urte berean eta zenbait egun barne, Garaziko ihauterieri errefera eman zioten Baigorrikoek, lekuko musikari eta dantzariek lagundurik. Mikel Erramouspek filmatu zituen Garazi-Baigorriko ihauteriak. Azken partean aldiz, 1995ean, Errobiko kaxkarrotek antolatu Hartzaro festibala dugu ikusgai. Kanaldude telebistaren sortzeko lehen urratsetan zen laguntzaile talde batek filmatu zuen gertakari hau.