Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Hasi dira Arantzako inauteriak

Dokumentuaren akzioak

Hasi dira Arantzako inauteriak

Egilea
Tttipi-ttapa
Komunikabidea
Erran
Tokia
Arantza
Mota
Albistea
Data
2023/02/02
Lotura
Erran

Gaur dute inauterietako lehenbiziko eguna Arantzan, eta goizean goizetik besta giroan dabiltza. 40 Mozorro Zuri baino gehiago bildu dira eta goizean plazan elkartu dira herriko haurrekin. Arantzako Zortzikoa ere dantzatu dute elkarrekin (Albistearen barrenean bideoa).

Argazkiak: Jose Ramon Amoros,  Markel Jorajuria eta Patxi Larretxea. 

Goizean Primi ostatuan gosaldu ondotik, eskolakoekin eta Pelle Ttiki haur txokoko haurrekin elkartu dira plazan. Bizkarrekoak edo puxka-puxkak paratu eta dantzan ibili dira haurrak eta gazteak. Gero Mozorro Zuriek baserrietarako bidea hartu dute eta eguna hala pasatuko dute. Afaltzera berriz herrira bueltatuko dira. Arratsaldean, eskolako haurrak herri kiroletan ariko dira.

Bideoa: Jose Ramon Amoros.

Ortziralea, otsailak 3
  • Egun osoan eskolako haurrak baserriz baserri eta herrian eskean ibiliko dira.
  • Goizean Mozorro Zurien gosaria Primi ostatuan.
  • Ondotik, Mozorro Zuriak puxka-puxka herrian.
  • Eguerdian, Mozorro Zurien bazkaria Burlada ostatuan.
  • Arratsaldean, haurren merienda.
  • Ilunabarrean Mozorro ttikiei harrera.
  • 21:00etan bertso afaria Aterpean, Iker Zubeldia eta Joanes Illarregi bertsolariekin.
  • 01:00etatik aitzinera musika Belfast taldearekin gorapean.
Larunbata, otsailak 4
  • Goizean, eskolako haurrak baserriz baserri ibiliko dira.
  • Eguerdian, Mozorro Zurien bazkaria Pabloenean.
  • Arratsaldean, haur, gazte eta heldu mozorrotuen kalejira.
  • 19:00etan Mozorro Zurien eskutik herri kirolak frontoian.
  • Ondotik, Mozorro Zurien afaria Ekaitza Elkartean.
  • 00:30ean musika Bizphiru Pelau taldearekin gorapean. 

Dokumentuaren akzioak