Dokumentuaren akzioak
Hartza, tximinoa eta hezitzailea kalez kale ibiliko dira bihar inauteri jaian
Dantza saio nagusia Herriko Plazan hasiko da eguerdiko hamabi eta erdietan
Dantzarien kalejirak emango dio hasiera jaiari bihar goizeko hamarretan. Bi talde irtengo dira. Sorgin dantzako kideek bide bat hartuko dute eta Valcarloskoak egingo dituen taldea beste aldera joango da. Saio nagusiak, berriz, eguerdiko hamabi eta erdietan du ordua. Iaz udaletxean egiten ziharduten obrak direla eta, Zurrategira eroan zuten, baina aurten bere ohiko lekura itzuliko da. Eguraldia lagun bada behintzat. Euria bada, eskolako patioan egingo dute dantza. Oinarineko txikienak lehen aldiz irtengo dira plazara.
Dantza zerrenda hau da: Iturria, Gorulari mistua, Gipuzkoako arku dantza, Valcarlos, Sorgin dantza, Zazpi jauzi eta Saint petit. Azken biak elkarrekin egingo dituzte saioan ariko diren dantzari guztiek.
Bazkaria ere antolatu dute frontoian. Hamaika eta erdietan jarrita zuten hitzordua mahaiak eta eserlekuak montatzeko. Azkenik, izena emandakoek ez dute bertara joan beharrik izango.
Arratsaldeko lau eta erdietan, bazkalostean, mozorro jaia eta txarangaren saioa hasiko dira. Mozorrorik onena daraman taldeari saria emango zaio.
Partida bakarra Eztalan
Antzuola Kirol Elkarteko futbol nagusiak etxetik kanpo bigarren partida ilaran jokatuko du gaur. Beti Ona izango du zain arratsaldeko bost eta erdietan Errenteriako Beraunen. Sei garaipen bata bestearen ondoren daramatza.
Asteburu honetan neurketa bakarra hartuko du Eztalako futbol zelaiak, jubenilen igoera fasekoa. Usurbil dator gaur arratsaldeko lauretan.
Inauteriak direnez, gazteagoek jai dute. Kadeteak hurrengo asteburuan itzuliko dira lehiara. Infantilek, berriz, ez dute partidarik asteburu honetan zein hurrengoan. Martxoaren 11n ala 12an itzuliko dira euren ligara.
Dokumentuaren akzioak