Hemen zaude: Hasiera Hemeroteka Harribilek ‘Korrontzi Dantzan’ ikuskizuna eskainiko du larunbatean

Dokumentuaren akzioak

Harribilek ‘Korrontzi Dantzan’ ikuskizuna eskainiko du larunbatean

Larunbat gauean Korrontzi dantzan ekitaldia egingo dute Orioko Karela Kiroldegian. Korrontzi musika taldeak Orioko Harribil dantza taldearekin elkarlanean ikuskizuna prestatu du, eta bihar estreinatuko dute hori. Korrontzi musika taldearen musika oinarri hartuta egingo dute dantza Harribileko kideek. Hainbat hilabetetan dantzak entseatzen aritu dira dantzariak, oriotarrei ikuskizun berezia eskaintzeko.
Komunikabidea
Urola Kostako Hitza
Mota
Albistea
Data
2016/06/09
Lotura
Urola Kostako Hitza

 Emanaldia Karela kiroldegian izango da 22:00etan, eta sarrerak aldez aurretik erosi daitezke bost euroren truke Orioko Kultur Etxean, kiroldegian, Gabonen eta Kolon Txikin. Egunean bertan zortzi eurotan salduko dituzte kiroldegiko leihatilan.

Korrontzi taldea 2004. urtean Agus Barandiaran trikitilariak sortu zuen Euskal Herriko musika tradizionalari eta herrikoari bultzada emateko. Antzinako doinuei gaurkotasuna erantsi die Korrontzi taldeak trikitiaren esparrua oinarri hartuta. Orain, Euskal Herriko dantza taldeekin elkarlanean ikuskizunak ematen ari da, tartean Orioko Harribil dantza taldearekin, bihar bi taldeen arteko lanaren emaitza ikusteko aukera izango da.

http://urolakosta.hitza.eus/files/2016/06/korrontzitaldea16.jpg

Dokumentuaren akzioak