Hamar lanek osatuko dute Dantzan Bilaka hirugarren zirkuitua

Donostiako Egia auzoko kulturgunean hasiko da larunbatean, eta Gasteizen eta Bilbon ariko da gero

Egia auzoko kulturgunean izango da larunbateko emanaldia (20:00), eta ikuskizun hauek oholtzaratuko dituzte Jon Ugarrizaren En mi soledad, Leire Ituarteren Look at me, bang, bang eta Robert Jacksonen Project. Hurrengo emanaldia astebete geroago izango da, urriaren 24an, Gasteizen. Artium museoko aretoan lan hauek ikusi ahal izango dira: Eneko Balerdiren Dantzan Banaka, Izaskun Lapazaren Irakur nazazu eta Igor Calongeren Branco.

Bilbon bukatuko da zirkuitua, eta bi saio egongo dira bertan, La Merced antzokian. Azaroaren 3an Olatz de Andresen «», Carmen Larrazen A la manera de recuerdo súbito eta Miren Gaztañagaren Stereo lanak ikusi ahal izango dira. Egun bat geroago bukatuko dira emanaldiak, Raquel Gazquezen Out-ekin.