Hainbat dantzari bilduko ditu Kabelintaxe egunak

Domekan ospatuko du eguna Nabarniz-Ereñoko dantza taldeak. Ibarrangelu, Foru eta Gernika-Lumoko dantzariek ere parte hartuko dute emanaldian

Kabelinatxe eguna ospatuko dute domeka honetan, Nabarnizen. Ereño eta Nabarnizeko dantzariak biltzen dituen taldeak dantza saioa antolatzen du urtero, eta, horretara inguruko herrietako dantza taldeak ere gonbidatzen ditu.

Aurten Foruko Urdaibai, Ibarrangeluko Lorea eta Gernika-Lumoko Elai-Alai taldeetako dantzari txikiak izango dira Kabelinatxekoekin batera; eta Gernika-Lumoko Gazteak kultur taldeko txistulari eta gaiteruek ere parte hartuko dute.

Dantza saioa 12:00etan hasiko da, frontoian. Ostean, trikipoteoa eta zozketa egingo dituzte.