Dokumentuaren akzioak
Gure Txeruko helduen dantza taldea gaur Lapurdiko Getarin
Emanaldia eskainiko dute hangko getariarrekin batera, 21:00etatik aurrera
Arratsaldeko 18:00etan abiatuko dira gure herritik
autobusean, 38 dantzari (DBHko 1. mailatik aurrerako gazte eta helduak),
4 txistulari eta 2 trikitilari, Txeruko arduradunarekin batera.
Emanaldia, gaueko 21:00etan hasiko dute Getarin. Aurrena hango umeak
izango dira dantzan, ordu erdi inguruko emanalditxoa eskainiz, eta
jarraian, hemengo zein hango hango helduen taldeek Euskal Jai bezperan
Getarian eskaintako saioa errepikatuko dute, ordu eta erdi inguruko
iraupenarekin.
Haurrak, berriz, ur-parkean
Txerukin euskal dantzetan ibili diren haurrak, berriz,
Frantzian Seignosse le Penon-eko ur parkean dira gaur, guztira 70
lagunek (51 ume eta 19 heldu) eman dutelarik izena Gure Txeruk dantzari
txikientzat (eginiko lanaren sari gisa) antolautako irteera honetan.
Goizeko 9:00etan zuten hauek autobusa, Atlantic Parkean egun pasaz
gozatu eta arratsean itzultzeko.
Dantzariak. Helduen taldea, Euskal Jai bezperan Getarian. :: ARANTZA
Dokumentuaren akzioak
