Gure esku dago lip-duba grabatu dute Lesakan

Ekainaren 8an Iruñea eta Durango lotuko dituen giza katean parte hartzeko deia egin dute

Olentzero, zakozar eta ezpatadantzariekin batera, arte martzialen eskolakoak, bertso eskolakoak, Bortzirietako gorriak, rock taldeak, ikastetxeetako guraso eta ikasleak, rock taldeak, trikitilari eta panderojoleak, txistulariak, musika bandakoak, peñen eguneko tanborrada, Beti Gazteko futbol eta sokatira taldekoak, Fraindarrak, erraldoiak eta buruhandiak, Bortzirietako Gorriak, Bihotzkada artisau taldekoak, komertzianteen elkartekoak, Igantziko Biltokiko txirrindulariak, Lesakako eta Igantziko dantzariak, Gazte Asanbladakoak, pilota eskolakoak eta hainbat jende agertu zen Jon Mitxeltorena etxalartarraren kamera aitzinean.

Ondoren, pintxoak eta sagardoa izan ziren jubilatuetako arkupetan. Furgoneta informatiboa egon zen egun osoan ekainaren 8an Iruñea eta Durango batuko dituen giza katean parte hartzeko metroak eta kamisetak erosteko aukera eskainiz. Bertze gainerakoan, Izarra okindegian eta Legarra liburudendan bada metroak erosteko aukerarik.