Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Goierriko dantzariek lehen topaketa egingo dute

Dokumentuaren akzioak

Goierriko dantzariek lehen topaketa egingo dute

Bihar izango da Lazkaon eta Goierriko zazpi herritako 200 dantzari inguru elkartuko dira

Orain bost urte abiatu zen Goierriko erromeri biraren aitzakiarekin, Goierriko dantza talde ezberdinen elkarlana eta aurten 5. urtea egitera doaz. Ekimen honen baitan, eskualdean dauden hainbat dantza talderen harremana indartu eta dantza sustatzea izan dituzte helburu. Horregatik, aurten urrats bat aratago eman nahi izan dute eta goierriko lehen Erromeri bira antolatu dute. “Dantzari topaketa hau Korrika kulturalaren barnean kokatzen dugu eta Korrika bezala, bi urtez behineko maiztasunez antolatzen jarraitzea dugu helburu”, zehaztu du Izaro Intsaustik, Ordiziako Amets Bide Dantza Taldeko kideak.
Egilea
M.A.
Komunikabidea
Noticias de Gipuzkoa
Tokia
Lazkao
Mota
Albistea
Data
2019/04/05
Lotura
Noticias de Gipuzkoa

Hitzordua biharko dute jarrita eta nola ez, dantza izango da nagusi egun guztian zehar Goierriko dantzari helduak elkartuko dituen topaketari esker. Legorreta Irrintzi Alai, Segurako Azpilla, Lazkaoko Oin Arin, Idiazabalgo Axari, Urretxuko Lurra, Beasaingo Aurtzaka eta Ordiziako dan-tza taldeetako 200 dantzaritik gora bilduko dira festa giroan lehen topaketa honetaz gozatzeko asmoarekin.

Egitarauari dagokionez, 10.30ean dantzari guztiak Lazkaoko plazan elkartuko dira eta 11.00etan desfilea egingo dute herrian zehar, “geldialdi ezberdinetan dantza ezberdinak” erakutsiz. 13.00etan alardean Plazan emango diote amaiera goizeko jardunari. Bazkalondoren berriz ere jaia herrira zabalduko dute eta Irrizblai Aisialdi taldearekin jolasak egingo dituzte haurrentzat. Egunari amaiera borobila emateko, Ttipika taldearekin erromeria izango da 17.30ean.

Dokumentuaren akzioak