Gizonen dantza taldea sortu gura du musika eskolak

Leizarra musika eskolan ume asko dabiltza euskal dantzak ikasten, baina hutsune handia dagoela igarri dute gazteen eta helduen artean "batez ere gizonen artean". Horregatik, euskal dantzak ezagutzeko aukera zabaldu gura diete horiei, gizonen dantza taldea sortuta: "Euskal dantzak guztionak direlako, gure kulturaren zati garrantzitsua direlako eta guri dagokigulako ondare hori bizirik mantentzea", diote.

Hutsetik –dantza samurrenetatik– hasteko asmoa dute, beti giro ona nagusi dela. Interesatuek eta argibide gehiago gura dutenek musika eskolara jo dezatela.

San Migel jaietan Larrain dantza dantzatzen.