Giro bikainean egin dute soka dantza Zubietan

Festetako hirugarren eguna dute gaur Zubietan, eta eguerdian soka dantza egin dute plazan Donostiako Udalaren txistulari taldearen laguntzarekin. Eguraldia lagun, jende andana elkartu da bertan lehenengo hamaiketakoa egin, eta, jarraian, dantzak ikusteko. 

Jaiak direla eta, asteburua ere gogotsu hartu dute Zubietako bizilagunek eta giro itzela izan zuten larunbatean txupinazoan eta Skakeko, Perlata eta Fan&Go taldeen kontzertuetan, besteak beste. Atzo, igandea, herri afariaren ostean Laiotz taldearen kontzertua izan zen gaueko protagonista.