Iraila hastearekin batera itzuli dira erromeria egunak Zelatunera. Atzo, hain justu, iraileko lehen igandeko erromeria egin zuten Hernioko magalean, eta herritarrek ez zuten hutsik egin hitzordura. Atzokoan, Jone Uria eta Julene Otegi trikitilariek jarri zituzten dantzan hitzordura animatu ziren guztiak.
Behin martxa hartuta, festak ez du etenik izango datozen igandeetan Zelatunen. Bertako bordek antolatuta, irailaren 8an, 15ean, 22an eta 29an ospatuko dituzte datozen erromeriak, hain zuzen ere, eta egun bakoitzean musikari bikote bat igoko da oholtzara.
Honakoak dira Zelatunen irailean izango diren erromeriak eta egun bakoitzeko trikitilariak:
Irailak 8, igandea
Trikitilariak: Laja eta Lutxurdio.
Irailak 15, igandea
Trikitilariak: Ansorregi eta Larrañaga.
Irailak 22, igandea
Trikitilariak: Ostolaza eta Larrañaga.
Irailak 29, igandea
Trikitilariak: Izer eta Alabier.
(Argazkiak: Trikigiro elkartea eta Ibon Errazu)
