Gipuzkoako Urrezko Domina jaso du Urbeltzek

Juan Antonio Urbeltzek jaso du Gipuzkoako Urrezko Domina, duela 50 urtetik gaur arte euskal dantza tradizionalak ikertzen eta berreskuratzen egindako lanagatik. Dantzen jatorriaren ikerketan ekarpen oparoa egin du, edukirik eta zentzurik ez badaukate haiei eustea zaila dela iritzita. Gipuzkoako Foru Aldundiak atzo eman zion saria, Donostian, eta, BERRIAri azaldu zionez, «sorpresa» handiz jaso du egindako ibilbidearen aitortza. Egun, Argia dantza taldeko zuzendaria da, eta datorren urterako ikuskizuna prestatzen dabil, liburu bat idazten aritzeaz gain.