Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Gipuzkoa Dantzan, Illunberen 50. urteurrenean

Dokumentuaren akzioak

Gipuzkoa Dantzan, Illunberen 50. urteurrenean

Ehunka dantzarik Gipuzkoa Dantzan jarduera egin dute Trintxerpen. Bilgunearekin, Illunbe Musika Elkartearen 50. urteurrena ospatzen lagundu dute.
Egilea
Urko Etxebeste
Komunikabidea
Oarsoaldeko Hitza
Tokia
Pasaia
Mota
Albistea
Data
2022/05/21
Lotura
Oarsoaldeko Hitza

Ez da makala izaten ari Trintxerpeko Illunbe Musika Elkartearen mende erdiaren ospakizunen egitaraua. Gaur, horri lotuta, Gipuzkoa Dantzan egitasmoa ekarri dute trintxerpetarrek Pasaiara. Ehunka dantzarik bat egin dute deialdiarekin, hau da, Illunbek 50 urte bete dituelako bildu dira Trintxerpeko kaleetan.

Eguraldi oso ona, bero samarra beharbada dantzarientzat, euren jantziek bentilazioa ez baitzuten errazten. Fresko atera dira, ordea, Gernika plaza ondotik abiatu duten desfiletik, eta ia barruti osoa zeharkatuz, Gudarien Enparantzan bukatu dute bidea: Errenteria-Oreretako Herri Arte Eskola, Donibaneko Lintxua, Trintxerpeko Illunbe, Donostiako Goizaldi, Legazpiko Sustraiak, Lezoko Murixka eta Errenteria-Oreretako Ereintza. Horiek Gipuzkoa Dantzan-eko partaideak.

Behin Gudarien Enparantzan, talde bakoitzak bakarkako emanaldiak egin ditu. Txalo zaparradak denentzat izan dira. Saio horien ondoren, denak batera, Antxoko Alkarkidek girotutako erromeria egin dute, alai, pozik, Serafin Esnaola plazan. Mende erdia du Illunbek. Gaur, merezi duen aitortzaren beste zati bat iritsi da Trintxerpera, asko eman baitio barrutiari eta Pasaiari. 

 

Erlazionatutako edukia

Dokumentuaren akzioak