Gaurko dantzak, haurrentzat

'Ras!' ikuskizuna eskainiko du gaur arratsaldean Herrialde Katalanetako Maduixa Teatre taldeak

Neska-mutiko eta gurasoentzat aproposa den lana da, eta aurten Feten 2010: proposamen eszeniko berrien saria jaso du.

Gaur egungo dantzaren ikuskizun gisa har daiteke Ras!, nahiz eta beste arte batzuk ere jorratzen dituen. Halaber, teknologia berriak erabiltzen ditu taldeak joko eszeniko magiko eta estimulagarria sortzeko. Ikusleak eszenategi horren inguruan egongo dira, oso gertu. Eta horri esker, Joan Santacreu eta Lara Sanchis aktore eta dantzariak oso gertu transmitituko diete ikusleei euren sentipen-abentura. Valentziako arte eszenikoen belaunaldi gazte baten parte da Maduixa taldea.

MADUIXA TEATRE

Non. Zizur Nagusian (Nafarroa), kultur etxean.

Noiz. Gaur, 18:00etan eta 19:00etan.

Sarrera. 3,50 euro.