Gaur hasiko da Nazioarteko Folklore Jaialdia, Portugaleten

Uztailaren 20tik 23ra bitartean, munduko folklorea Portugaleteko kaleetan ikusteko parada ederra egongo da. La Canilla Ibiltokian izango dira emanaldiak, eta horretaz gainera, uztailaren 26an, Munduko Dantzak ekimena egingo da Carlos VII. etorbidean

Parte hartuko duten taldeak, Krida Budaya (Indonesia), Camagua (Kuba), Kud Branko Cvetkovic (Serbia), Gna uri a te wai-o-taiki (Zeelanda Berria), Jammu Ballet (Senegal) eta anfitroia den Elai Alai Euskal Dantzari taldea (Portugalete).

Gaurko programa 21:30etik 23:00etara luzatuko da, eta talde guztiek hartuko dute parte inaugurazioa izango den ekimenean. Biharko saioan Indonesia eta Senegal arituko dira; asteazkenean, Zeelanda Berria eta Serbia, eta azkenik, ostegunean, Senegal, Cuba eta bertako Elai Alai dantza taldeak agertuko dira publikoaren aurrean..

Portugaletetik beste herri askotara hedatuko da gero folklore jaialdia, izan ere uztailaren 19tik 31ra bitartean, Ermua, Errenteria, Durango, Berriz, Elgoibar, Gorliz, Getxo eta beste hainbat herri bisitatuko ditu.

Ordutegiak eta bestelako datuak hemen kontsultatu ahal dituzue.