Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Gaur hasiko da Errenterian Eztena antzerki eta dantza jaialdia

Dokumentuaren akzioak

Gaur hasiko da Errenterian Eztena antzerki eta dantza jaialdia

Gaurtik igandera bitartean egingo dira ekitaldiak, eta sarrerak doan izango dira

El Patio konpainiaren A mano eta Oh My Goden Zer duzu Amy? antzezlanekin hasiko da gaur Errenterian Mikelazulo kultur elkarteak antolatu duen Eztena dantza eta antzerki jaialdia. A mano haurrentzako ikuskizunaren bi emanaldi izango dira, 17:00etan eta 20:30ean, Mikelazulon, eta De Cyne Reyna tabernan izango da Zer duzu Amy? lana, 22:30ean. Amy Winehouse abeslariaren heriotza eta zale baten ekintza da lan horren ildoa.
Komunikabidea
Berria
Tokia
Donostia
Mota
Albistea
Data
2013/06/13
Lotura
Berria

Dantza saioak izango dira bihar kalean, herriko plazan hasita, 18:00etan. Puzzle, Periodos eta Dantzan Banaka taldeek jardungo dute. Bestalde, Piezak, sormen bidean dauden lanen erakustaldia, izango da Mikelazulon, 19:30ean. Ikusleek sortzaileekin ideiak partekatzeko aukera izango dute. Etzi 12:30ean Bapateanzirku konpainiaren Tenderete lana izango da Xenpelar plazan, eta Ze Onda taldearen Mikrouhinak, Anakrusaren In situ eta Kolectivo Mostrenko/Zanguangoren Entre lombrices antzezlanak izango dira arratsaldean. Gauerdian Las Dos D taldearen musika emanaldia izango da.

Igandean, Errenteria Hiria kulturgunean, Horman Poster taldearen Iragan perfektua izango da ikusgai, eta Huts teatroak Publikoari gorroto eskainiko du.

Dokumentuaren akzioak