Batzordean aurten sartu den beste kideak, Bego Altunak, antolakuntza taldean izandako aldaketak azaldu ditu: «Alkatea etorri zitzaigun komentatuz ea jende berria sartuko ote zen batzordean, eta Ugarten gauden gutxiak sartu gara. Orain saiatu gara jende gazteagoengana edo jende gehiagorengana iristen. Ea nola funtzionatzen duen».
Hori horrela, ostiraleko eta larunbateko erromerien ondoren hainbat ekitaldi antolatu dituzte. Biharkorako, adibidez, jokoak egingo dira eta posible da izena ematea egunean bertan. Berrikuntza ere izango dira karaokea, eta txokolate jatea eta baratxuri zopa. Larunbatean ere azken horiek izango dira eta jokoen ordez kuadrillen arteko sokatira desafioa izango da. Zortzinaka eman behar da izena eta antolatzaileak herriko zein herri kanpoko kuadrillak animatu dituzte parte hartzera.
Biharko herri afarirako ere aldaketak izan dira. Kasu honetan Ugarteko tabernakoek utzi egin diote aurten mondejuak presentzia handia zuen menua prestatzeari. Catering bitartez emango da afaria, eta 150 pertsona izango dira frontoian afaltzen. Beste aldaketa bat elkartea tarteka irekita egongo dela izango da, taberna moduan funtzionatzeko.
Bestela, ohiko ekitaldiak izango dira. Nabarmentzakoa da ingurutxoa, Ugarteko eta Bedaioko dantza berezia, beste behin dantzatuko dela azken egunean. Eta, noski, Laja trikitilaria ere bertan izango da. Hainbat hamarkada egin ditu bertako festetara urtero joanez.
EGITARAUA
Urriak 6, bihar
19:00. Kanpai jotze eta suziriak, jaiei hasiera emateko.
19:30. Bertso poteoa Angel Mari Penñagarikano eta Unai Mendizabalekin.
21:00. Herri afaria.
Ondoren. Izer eta Alabier trikitilariak. Atsedenaldian, toka lehiaketa.
Jarraian. Gaupaseroen arteko jolasak, eskorga karrera, bikrosa eta aulki jokoa. Goizaldera arte musika eta karaokea. Etxeratu aurretik txokolate jatea eta baratxuri zopa.
Urriak 7, etzi
11:00. Meza nagusia.
12:00. Gaztetxoen arteko pilota partiduak.
13:00-14:30 eta 15:30-19:00. Puzgarriak eta hainbat jolas. Arratsaldean zehar zaldian ibilalditxoak Ugarten zehar.
15:30. Mus txapelketarako izen ematea (bikoteko 10 euro, bikotekideetako bat herritarra izan beharko da).
16:00. Ugarteko Mus Txapelketa. Ondoren txokolate jatea elkarte aurrean.
21:00. Zahagi ardoa.
22:30. Ansorregi eta Larrañagarekin erromeria. Atsedenaldian kuadrillen arteko sokatira desafioa.
Goizaldera arte. DJa eta karaokea. Oheratu aurretik txokolate jatea eta baratxuri zopa.
Urriak 8, igandea
11:00. Meza nagusia.
Jarraian . Txakolin dastaketa eta pintxoak plazan. Bazkal aurretik Lajaren trikiti saioa.
18:00. Herri kirolak: harri-jasotzen Jokin Eizmendi, eta aizkoran Ugaitz Mugertza eta Jon Irazu.
Ondoren. Ingurutxoa.
20:30. Sagardo dastaketa.
Festak amaitzeko, Lajaren trikitiarekin dantzaldia.
