Garai batean Legasan dantzatzen zuten dantza luzea berreskuratzeko bidea hasi du berriz ere herritar talde batek. Urte luzez dantza galdua egon ondotik, duela 25 bat urte berreskuratu zuten, baina berriz ere alde batera gelditu zen.
Dantza luzea dantzatzen. Artxiboko irudia.
Horri buelta eman nahian eta dantza berrartzeko asmoz, dantza ikasteko aukera emanen dute. 17 urtetik goitiko edozeinek ikasten ahal du eta dagoeneko hasia da jendea animatzen. Joseba Indabere herritarrak hartu du bere gain erakusteko ardura.