Gamere-Zihigako gazteek 2012ko maskaradak bertan behera utzi dituzte

Xiberoko Botzan bere webgunean argitaratu da maskaraden ezeztatzea iragartzen duen berria. Gertakari larri bat tarteko Gamere-Zihigako gazteek ezin izanen dute bete iragan apirilean harturiko konpromisoa. Berez, nehoiz baino goizago egin zuten maskaradak antolatzeko haien asmoa.

Gamere-Zihigan eskola txikia hetsi dute aurten, eta herriak bizi duen egoera larriari erantzuteko nahian-edo, gazteek erronka gisa hartu zuten 2012ko maskaraden antolaketa.

"Eskola itxi digute eta gazte gehienak herritik kanpo joan behar dute ikasketak eta lana egiteko, baina Gamere-Zihiga bizirik dela erakutsi nahi dugu Maskarada antolatuz" azaldu zuen orduan Mathieu Tauzin gazteak Xiberoko Botzan.

2011k maskaradari utzi dion bigarren albiste larria da gaurkoa. Santa Graziko gazteek hartua zuten aurtengo maskaradak kaleratzeko ardura, eta halaxe hasi zuten urtean. Alta, egitasmoaren partaide zen pretsuna baten heriotzak guztiz atsebakeak utzi zituen antolatzaileak eta hamabost emanaldi egin behartrean sei baizik ez zituzten egin, gertakari larri horren istean galditu baitziren.

Gamere-Zihigak ez badu maskaradarik antolatzen, zaila izanen da heldu den urtean ekimen hori izaitea, tarte gutti bada beste batek ardura hori beregai hartzeko. Dena den, datozen egunotan argituko da 2012an Xiberuan maskaradarik izanen den ala ez.

Santa Graziko maskaradak bertan behera geldit zirenean, dagoeneko hainbat jendek oharrarazi zuen geroa ez zela bermaturik neguaren ostean udaberria gertu dela iragartzen digun maskaradendako. Laurents Chuburuk Xiberoko Botza irratiaren mikrofonoetan erran zuenez, "posible litzateke maskarada Santa Graziko azkena izaitea gazteen eta euskaradunen murriztearengatik".

Xiberoko Botzan bere webgunean argitaratu da maskaraden ezeztatzea iragartzen duen berria. Gertakari larri bat tarteko Gamere-Zihigako gazteek ezin izanen dute bete iragan apirilean harturiko konpromisoa. Berez, nehoiz baino goizago egin zuten maskaradak antolatzeko haien asmoa.

Gamere-Zihigan eskola txikia hetsi dute aurten, eta herriak bizi duen egoera larriari erantzuteko nahian-edo, gazteek erronka gisa hartu zuten 2012ko maskaraden antolaketa.

"Eskola itxi digute eta gazte gehienak herritik kanpo joan behar dute ikasketak eta lana egiteko, baina Gamere-Zihiga bizirik dela erakutsi nahi dugu Maskarada antolatuz" azaldu zuen orduan Mathieu Tauzin gazteak Xiberoko Botzan.

2011k maskaradari utzi dion bigarren albiste larria da gaurkoa. Santa Graziko gazteek hartua zuten aurtengo maskaradak kaleratzeko ardura, eta halaxe hasi zuten urtean. Alta, egitasmoaren partaide zen pretsuna baten heriotzak guztiz atsebakeak utzi zituen antolatzaileak eta hamabost emanaldi egin behartrean sei baizik ez zituzten egin, gertakari larri horren istean galditu baitziren.

Gamere-Zihigak ez badu maskaradarik antolatzen, zaila izanen da heldu den urtean ekimen hori izaitea, tarte gutti bada beste batek ardura hori beregai hartzeko. Dena den, datozen egunotan argituko da 2012an Xiberuan maskaradarik izanen den ala ez.

Santa Graziko maskaradak bertan behera geldit zirenean, dagoeneko hainbat jendek oharrarazi zuen geroa ez zela bermaturik neguaren ostean udaberria gertu dela iragartzen digun maskaradendako. Laurents Chuburuk Xiberoko Botza irratiaren mikrofonoetan erran zuenez, "posible litzateke maskarada Santa Graziko azkena izaitea gazteen eta euskaradunen murriztearengatik".

( Irakurri ere: www.dantzan.com )

Gaizka IROZ argazkia.