Gaizka Barandiaran dantza-maisu eta ikertzailea hil da

Oñatin jaio zen, 1916ko mar-txoaren 3an. Belgikan burutu zituen ikasketak, Filosofia eta Letretakoak eta Eliz-Teologiakoak.

Ikasketak bukatuta eta apaiz, hamabost urtez Tuteran izan zen, jesulagunen ikastetxe batean irakasle lanetan eta eta inguruko hainbat herritan predikatzen. Gero Austriako Innsbruck hirian hiru urte egin zituen. Egonaldi horretan folklore gaietan adituak ziren zenbait ikertzaile ezagutzeko aukera izan zuen, Karl Horak besteak beste.

1967an Innsbruck-etik Donostiara itzuli zen eta dantzaren inguruko ekitaldien antolaketari eta ikerketei gogo-betez heldu zien. Nazioarteko jardunaldien antolaketa, Euskal Dantzarien Biltzarraren Hegoaldeko ataleran abiatzea, eta hainbat dantzari buruzko deskribapenak eta intrepretazio sinbolikoak jorratu zituen. 1992an jubilatu zen eta Donostian bizi izan zen, erabat ahuldu eta Loiolako komentura joan arte.

Euskaltzale moduan ere nabarmendu zen. Homeroren Iliada itzuli zuen euskarara eta 1961ean euskaltzain urgazle izendatu zuten. Hainbat hizkuntza zekizkien, kanpoko bere egonaldiak zirela-eta. Josemari Velez de Mendizabalek liburua osatu zuen orain urte gutxi gizon honen biografiarekin.