Gaitasuna, dantzarako ere

Verdini dantza taldeak Gure Gaitasuna ikuskizuna emango du gaur Donostian. Adimen urritasuna duten dantzariek osatzen dute konpainia. Gizarteari erakutsi nahi diote zelako ahalmenak dituzten artea sortzeko, eta elbarritasunen bat dutenek oraindik ere jasan behar izaten dituzten oztopoak salatu. Izan ere, ahalmenaren eta ezintasunaren arteko muga non dagoen galdetuko dute gaurko ikuskizunarekin. Taldeak 21 urte daramatza lanean, Isabel Verdini dantzariak Downen sindromea dutenekin lanean hasi zenetik.

'Gure gaitasuna'

Gaur, 20:00etan, Donostiako Viktoria Eugenian. Gonbidapenak 17:00etan hasita emango dituzte.