Antolatzaileak pozik agertu ziren lehiaketak emandakoarekin: "Oso ondo joan zen guztia. 500 lagun inguru, 90 minutuko jaialdia, hogei koreografia, epaileen erakustaldia, parte-hartzaileen maila ona eta euskaraz".
Hiru kategoriatan banatuta hogei taldek jardun zuen lehian, eta honako hauek izan ziren irabazleak:
- Haurren kategoria: 1. Wild Kids (Barakaldo) eta 2. Candem Joys (Bergara).
- Gaztetxoen kategoria –16 urtez azpikoak–: 1. Wild Side (Barakaldo) eta 2. Malibu con piña (Iruñea).
- Kategoria absolutua: 1. Slippery (Durangaldea, Bilbo) eta 2. Factoritos (Bilbo).
Irabazleek diru sariak jaso zituzten, eta kategoria bakoitzeko lehenengoek maiatzaren 11n Barakaldon egingo den BreakOnStage jaialdirako txartela eskuratu zuten.
