Folka eta dantza Hernanin

'Infernuko hauspoa' ikuskizuna eskainiko dute Oinkari eta Korrontzi taldeek gaur, Hernanin

Infernuko hauspoa deitzen zioten apaizek garai batean trikitiari. Haien ustez, trikitiaren doinuek bikoteka dantzatzera bultzatzen zituzten plazan biltzen zirenak. Eta hori ez zuten gustuko. Baina Oinkari dantza taldekoak bakarka, bikoteka eta taldeka igotzen dira agertokira. Trikitiaren erritmoek ez ezik, beste hainbat musika tresnak ere jartzen diete konpasa: baxuak, gitarrak, bateriak, txistuak eta albokak, esaterako.

Villabonako (Gipuzkoa) dantza taldea da Oinkari. 2003an ekin zion euskal dantzei koreografia garaikidearen ukituak emateari, eta 40 dantzarik parte hartuko dute gaur emanaldian. Korrontzi taldea, berriz, Bizkaitik dator; 2004an sortu zen, eta Infernuko hauspoa da taldeak kaleratu duen hirugarren diskoa.

'INFERNUKO HAUSPOA'

Non. Hernanin (Gipuzkoa), Biteri kultur etxean.

Noiz. Gaur, 20:00etan.

Korrontzik eta Oinkarik Infernuko hauspoa eskainiko dute. / JUAN CARLOS RUIZ/ARP