Folk Lore egunak ehunka lagun bildu zituen

Amaiur Dantza Taldeak antolatutako jaia giro bikainean ospatu zuten atzo

Dantzari txikiekin eman zioten hasiera egunari. Irurtzun, Irun, Lakuntza, Lazkao, Donibane Lohitzune eta Zangozatik etorritako tadeak, besteak beste, aritu ziren. Ondoren 350 pertsona inguru bildu zituen bazkaria egin zuten.

Gero, kalejira. Iruñeko Alde Zaharra jai giroan murgildu zuten zanpantzar, gaitero eta bestelako musikariek, arratsaldea igaro heinean pertsona gehiago batu zirela festara. Handien dantza taldeen artean Senperekoak eta Ezpeletakoak izan ziren, Amaiurkoaz gain. Azkenik akelarrea egin zuten Burgoetako plazan.

Dantzari txikiek atzo eskainitako emanaldiaren une bat. argazkia: Iñaki porto