Dokumentuaren akzioak
Festarako jantziak azken 100 urteotan
Gai honen inguruan hitzaldi-tailerra izango da gaur Balenciaga Museoan Euskal Astea irekitzeko
Ane, Ikerfolkeko partaidea eta 'Atondu' liburuaren egilea da eta hi-tzaldiarekin batera, tailer bat proposatzen du. Bertan, 'Nola jantzi, Atonduren proposamena' izenburupean, hitzaldian azaldutakoak praktikan jartzeko aukera emango die partaide guztiei. Buruko zapia, abarkak, gerrikoa eta, orokorrean, jantzia atontzeko proposamenak egingo dira hitzaldian ikusitakoaren arabera. Jantziak edota janzkiak ekartzeko gonbitea egiten zaie bertaratuko direnei. Ostegunean, euskarazko film laburren emanaldia izango da Balenciaga Museoko auditoriumean gaueko 21:00etan. Ostiralean Gure Txeru dantza taldearen emanaldia ikusgai izango da herriko frontoian. Arratsaldeko 19:00etan haurren txanda izango da eta 22:00etan gazte eta helduen emanaldia leku berean. Larunbatean, Euskal Jai eguna ospatuko da. Gazte Alaiak eta musika eskolako eta herri eskolako txistulariak diana joko dute goizeko 9:00etan hasita, herritarrak esnatu eta festa girora gonbidatuz. Gogoan izan egun horretan janzkera berezia eraman behar dela eta zalantzak izan ezkero nola jantzi, gaurko hitzaldiak argitzeko balioko duela. Jantziak. Gaurko hitzaldi-tailerrean aztertuko dira. / AMAXKAR
Dokumentuaren akzioak
