Ez dira ohikoak

Azken gaua zertan eman

Oraingoan, baina, ez dugu Zabaleta bera ikusiko, sortzaile gisa aritu delako Gau bakar bat delako piezan. Aukera honetan, gainera, beraren pareko sortzaile batekin elkartu da, Ixiar Rozasek sortu dituelako emanaldian zehar irakurtzen diren testuak. Duela gutxi adierazpenok egiten zituen Rozasek egunkari honetan: «Prozesuan ikasitakoari ematen diot nik batez ere garrantzia. Idazterakoan ez dut irtenbide komertzialean pentsatu». Bitxia bada ere, gauza bera esan ahalko genuke Zabaletak sortutakoaz, eta horrek esan nahi du sortzaileen arteko funtsezko elkar ulertzea izan dela. Taula gainean munduko azken gaua zertan eman hartzen da aitzakiatzat hainbat testu poetiko eta haien inguruko dantza-interpretazioa plazaratzeko.



Lekua: Barakaldo antzokia. Eguna: gaur, 20:30ean.