SAREAk, Euskal Antzoki Sareak, antolatzen duen Eusko Jaurlaritzaren Dantza Zirkuitorako proposamenak jasotzeko deialdia egin du. Deialdi hori dantza konpainia profesionalei zuzenduta dago. Beren ikuskizun proposamenak SAREAri helarazteko azaroaren 17ra arte izango dute.
Dantza Zirkuitua dantzako programazio espezifikoko ziklo bat da, 2005etik martxan dagoena. “Antzokiei eskainitako ikuskizunak programatzen dira, euskal dantza konpainia profesionalen ikuskizunak eta Euskadiko Autonomia Erkidegotik kanpoko konpainien proposamenen aukeraketa bat barne”.
Datorren urtean arte eszenikoak sustatzera bideratutako prestakuntza, sustapen eta erakusketa programak garatzeko diru-laguntzak emateko arauak ezarri dira. Kapitulu honetan aurreikusitako laguntzak 2022. urtean SAREA dantza-zirkuitua garatzera zuzenduta egongo dira.
Konpainia gisa parte hartzeko bete behar den inprimakia eskuratzeko, jarri harremanetan SAREAko bulegoarekin: sarea@ikerpartners.com
