Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Euskal Herriko Dantza Txapelketa, gaur Seguran

Dokumentuaren akzioak

Euskal Herriko Dantza Txapelketa, gaur Seguran

Hamabost bikotek hartuko dute parte: bederatzi gipuzkoar, iparraldeko bost eta bizkaitar bat
Egilea
N.G.
Komunikabidea
Noticias de Gipuzkoa
Tokia
Segura
Mota
Albistea
Data
2021/10/16
Lotura
Noticias de Gipuzkoa

egurak Euskal Herriko 45. Dantza Txapelketa hartuko du gaur. Hamabost bikotek hartuko dute parte. Horietako bederatzi gipuzkoarrak dira, bost iparraldekoak, zehazki Lapurdi eta Nafarroa Beherea, eta beste bat Bizkaikoa.

Lehiaketan parte hartuko duten Gipuzkoako bikoteetatik hiru Azpeitikoak dira, Itziar Bastida-Anaitz Lizartza, Elaia Elorza-German Aranburu eta Laura Bastida-Ekain Uzkudun, eta beste bi Azkoitikoak, Enara Arrizabalaga-Iker Sarasua eta June Elortza-Eneko Sarasua. Legazpiko Irati Olaizola-Idoia Narbaiza, Bergarako Saioa Galarraga-Julen Murgiondo, eta Oiartzungo dan-tzari batek eta Lezoko beste batek, Katerin Artola-Iker BelintxBelintxon eta Olatz Azkue-Mattin Etxebeste. Lehenak Lezo ordezkatuko du eta bigarrenak Oiartzun.

Iparraldetik honako bost bikote hauek etorriko dira: Xabi Dupuy-Xanti Eyherabide (Beskoitze), Amaia Apezetxea-Idoia Salha (Hendaia-Donibane Lohitzune), Marie Feyri-Battitt Etchart (Bidart-Bidarrai), Oihana Betelurru-Pierre. Bizkaiko bikotea Maren Galvez eta Gorka Granadok osatzen dute.
Dantzariek, ohi bezala, fandango bat dantzatu beharko dute Isilkarako edo albokako txistularien eskutik, Vanessa Ziaurritz, Oihana Irastorza eta Teresa Jareño, eta ondoren Estanga anaiak trikitilariek interpretatutako arin-arina.
 
Epaimahaia Dantzarien Federazioko bost adituk osatuko dute eta bikote irabazleak Segurako Udalaren sari nagusia jasoko du: aluminio urtuzko eskultura, Aitor Ruiz de Egino eskultore hernaniarrak sortua.
 
Lehiaketa Izaro Iraetak eta Imanol Artolak aurkeztuko dute, eta Ainhoa Urretabizkaiak emanaldiaren ondoren lehiakideen lehen iritziak jasoko ditu. ETBren web gunean ikusi ahal izango da, eta gauean etb1en. Era berean, Xabier Artolak euskal telebistaren emanaldian egindako emanaldiak baloratuko ditu.
 
Epaimahaian Kimua Dantza Kolektiboa taldea arituko da, genEroa ikuskizunarekin. 

Dokumentuaren akzioak