Euskal familia baten historia

'Urraska' dantza ikuskizuna plazaratuko du gaur Zarena Zarelako taldeak Lapurdiko Luhuson

Bost ataletan kontatzen du ikuskizunak familiaren historia. Agerraldi bakoitzean, familiako pertsonaietako bat da protagonista. Gertaerak testuinguru historikoan girotuak daude, eta garaiko arazo nagusiak tratatzen ditu. Ikuskizunean parte hartzen duten 25 dantzariek garaian garaiko jantzia eramaten dituzte.

Koreografia aldetik, euskal dantza tradizionalean oinarritzen da lana, baina eragina du munduko beste hainbat dantzena. Lehen zatian euskal dantzak jazz-dantza modernoareki nahasten dira. Horrez gain, inauterietako giroa jasotzen du ikuskizunak. Bigarren zatian Bizkaiko dantzak eta flamenkoa nahasten dituzte.

Musikaren aldetik, berriz, doinu herrikoiak eta honetarako propio sorturikoak uztartzen dituzte agertoki gaineko musikariek. Maina Coronadok, Bittor Corretek eta Christian Larraldek zuzendu dute ikuskizuna. Patrick Larralde eta Josean San Miguel arduratu dira musikaz eta Isabelle Larralde jantziez.

'URRASKA' IKUSKIZUNA

Noiz. Gaur, 21:00etan.

Non. Luhusoko Harri Xuri gelan (Lapurdi).