Euskal dantzen historia zeharkatzen duen ikuskizuna martxoaren 19an Baionan

Orain dela 40 urte, maiatzaren 4ean, Donostiako Victoria Eugenia antzokian, Argia dantzari taldeak Eaurtako Neska Dantza izeneko dantza kantatua eskeini zuen lehen aldiz. Kantuaren lehen hitzak Axuri-Beltza ziren. Harrezkero, Eaurtako neska dantzak gure herrietako dantza taldeen errepertorioetan leku nagusi bat izan du, eta are gehiago, dantza tradizionala lantzeko modu berri bati hasiera eman dio.

Arrats berezi hartan, Argia taldea Arte Garaikideko Euskal Eskolaren zati izanik (Jorge Oteizak sustatutako ideia zen), euskal kultur munduko pertsona ospetsu ugari bildu zen, proiektuari hasieratik hatsa emanez.

Egun hura gogoan eta lan honi hasiera eman zion ametsari leialki jarraituz, Apostoluen Soka Dantza izenez bataiatu duten lana prestatu dute oraingoan. Heldu den martxoaren 19an eskeiniko dute Baionan, Euskal Dantzarien Biltzarra (IDB) elkartearen eskutik.

2008 urtean Musika Hamabostaldiko zuzendaritzak Jorge Oteiza eskultorearen jaiotzeko mendeurrena ospatzeko Arantzazuko basilikan egiteko koreografia lan bat eskatu zioten Urbeltzi.

�Jorge Oteizaren apostoluen dantza bezala gogoratzea nahi genukeen koreografia saio labur honekin, eskultorea bera eta antzoki honetan 1969 urtean gurekin egon ziren guztiak omendu nahi ditugu" azaldu du koreografoak.

Emankizun honekin zerbait agerian utzi nahi izan du koreografoak, bereziki belaunaldi berriei begiratuta: "Metaforaren bitartez euskal dantza infinitoraino arramoldatu daiteke, gaitasun handia dugulako ikasitako urratsa eta horren birinterpretazioa harremanetan jartzeko" azaldu du Urbeltzek.

Hona hemen ondoko aste eta hilabeteetan euskal dantzen ikuskizunaren egitaraua:

• Axuri Beltza: Martxoaren 19an, larunbata, 20h30. Baionako Antzokia. Argia Taldea. Partaidea: Orai bat. Sartzeak salgai : Elkar, Baionaren antzokia.
• Oroitzapenetik Bidaiarat: Apirilaren 3an, igandea, 17h00. Harri Xuri gela, Luhusoa. Sarako Zazpiak bat taldea.
• Sakratua: Apirilaren 30an, larunbata, 20h30. Luhusoko elizan. Leinua Konpainia.
• Eraiki: Ekainaren 11an, larunbata, 20h30. Harri Xuri gela, Luhosoa. Behobiako Eraiki taldea.
• Tema: Ekainaren 26an, igandea, 17h00. Harri Xuri gela, Luhosoa. Baigorriko Tema elkartea.